شنطه الاسعافات الاوليه لحضانة ذكية

👩‍🏫 ازاي نتعامل مع مواقف الأطفال في الحضانة؟

يا جماعة، طبيعي جدًا الأطفال في الحضانة يعضوا بعض 🦷، يتخانقوا 🤼‍♂️، يتخبطوا 🤕، يسخنوا 🤒 أو يتعبوا 😴… عادي بيحصل.
إنما المهم إزاي نتعامل مع الموقف ومع الأم 👩‍👦:

🔹 أول حاجة: لازم المعلمة 👩‍🏫 عينها في راسها 👀 وتاخد بالها من الأطفال. ما ينفعش كل يوم الولد يرجع مضروب أو مزرق أو متعور.
🔹 الصبح اول ما الطفل يجي تبصي عليه لو لقيتي حاجه :
📞 كلمي الأم فورًا.
📷 صوّري الكدمة أو العضّة وقولي “ابنك جه كده”.
🥛 بلّغي الناني تاخد بالها من الأكل 🍎 والنوم 🛌 والزبادي 🥄 والحاجات دي.

ولو الطفل اتعور أو اتعض في الحضانة:
❌ ما ينفعش المعلمة تعلّي صوتها وتلمّ الأطفال والجيران حوالين اللي اتعور.
✅ لأ… تمسك أعصابها زي الشاطرة ✨ وتتصرف بهدوء:
❄️ تمسك الولد اللي اتعض، تحطله تلج أو كريم لحد ما الأثر يخف وخلاص او مافيش فايده تبلغوا الام بطريقه ظريفه.
👦 واللي عضه: طفل صغير، نعلمه الصح 🙌 ونخلي بالنا منه. ولو كررها، عقاب خفيف زي ما يحضرش النشاط 🎨 أو ما يطلعش الجاردن 🏃‍♂️.

ولو الولد سخن:
📞 نكلم الأم فورًا نعرف منها نديله ايه .
📝 أي طفل عنده حساسية 🤧 أو سيولة دم 🩸 لازم الأم تبلغ من أول يوم باستمارة سيوله الدم الطفل لو اتعور المنظر بيكون مخيف .
من واجبك كحضانه تنتبهي لو الطفل نظره ضعيف او سمعه ضعيف تنبهي الام 🕵️🤦‍♀️🤷‍♀️

🚑 إسعافات أولية ضرورية في الحضانة 👶✨

📌 أدوية لازم تكون موجودة:
💊 خافض حرارة: باراسيتامول (سيتال – دولفين – بانادول).
💊 لبوس خافض حرارة سريع: دولفين لبوس.
🧴 جل أو كريم للكدمات والخبطات: هيموكلار – ريباريل جيل.
🧴 مطهر للجروح: بيتادين – كحول طبي.
🧴 كريم للحروق البسيطة: ميبو.
💊 مضاد حساسية خفيف: زيرتك – كلاريتين (بعد استشارة الطبيب).
🧴 كريم مضاد حيوي للجروح: فيوسيدين.

📌 مواقف شائعة في الحضانات:
🤒 سخونية مفاجئة → خافض حرارة.
🤕 خبطه أو كدمة → كمادات باردة + كريم للكدمات.
🦷 عضة طفل → غسيل بمطهر + كريم فيوسيدين.
🔥 حرق بسيط → غسيل بمياه جارية + كريم ميبو.